«Спутник V» вакцинасының II компонентінің 39 850 дозасына сертификаттар Ресейден келді, деп хабарлайды Атырау облысы Денсаулық сақтау басқармасының баспасөз қызметі.
Өңірде халықты covid-19-ға жаппай вакцинациялау жалғасуда. Сонымен,
16 маусымдағы мәліметтер бойынша, «Спутник V», «QAZVAC» және «Hayat-Vax» вакциналарының I компонентін 872 жергілікті тұрғын алды.
Екпе алғандар арасында: 15 дәрігер, 46 педагог, 1 полиция қызметкері, 13 студент, 10 жабық мекеме қызметкерлері, 9 құқық қорғау органдарының қызметкерлері, 3 мемлекеттік қызметкер, 16 созылмалы аурумен ауыратындар, 759 жергілікті тұрғындар.
2021 жылғы 1 ақпан мен 16 маусым аралығындағы кезеңде барлығы 68 411 адам «Спутник V», «QAZVAC» және «Hayat-Vax» вакциналарының I компонентімен егілді. Вакциналардың II компонентімен 25 241 жергілікті тұрғын егілді.
Бұған дейін хабарланғандай, «Спутник V» вакцинасының II компонентінің 39 850 дозасына сертификаттардың келуінің кешігуіне байланысты Атырау облысының тұрғындары Covid-19-ға қарсы толық егу кешенін ала алмады.
