Атырау облысында өткен тәулікте 15 адамда коронавирус індеті ПТР арқылы расталып ауырғаны белгілі болды, – деп хабарлайды Атырау облыстық денсаулық сақтау басқармасының баспасөз қызметі.
Қауіпті дертке шалдыққан науқастардың 9-ы Атырау қаласынан тіркелген. Сондай-ақ, Жылыой ауданынан -3, Индер, Құрманғазы аудандары мен Теңіз кенішінен – 1 адамнан covid-19 жұқпасы анықталған.
Коронавирус жұқпасымен науқастанғандардың 5-еуінде ауру симптомды, қалғанында симптомсыз түрде өтіп жатыр.
Өткен тәулікте үй жағдайында ем алып жатқан 3 адам коронавирус инфекциясынан жазылып шықты.
Айта кетейік, қазіргі уақытта 147 адам үй жағдайында емделуде. Ал, облыстық инфекциялық стационарда 31 науқас, Теңіз кенішінің инфекциялық стационарында 36 адам ем қабылдауда.
