9 2 750x421 1
- ЖАҢАЛЫҚТАР54 просмотров

Covid-19: Атырау облысында 70мыңдай тұрғын вакцинаның екі компонентімен егілді

Өңірде халықты covid-19ға қарсы жаппай вакцинациялау жалғасуда деп хабарлайды облыстық Денсаулық сақтау басқармасының баспасөз қызметі.

16 шілде бойынша, «Спутник V», «QAZVAC» вакциналарының I компонентін 1604 жергілікті тұрғын алды.

Екпе алғандардың қатарында: 27 дәрігер, 77 педагог, 39 студент, 4 жабық мекеме, 2 құқық қорғау орган қызметкерлері, 18 мемлекеттік қызметші, 141 созылмалы ауруы бар науқастар, 1296 жергілікті тұрғын.

2021 жылғы 1 ақпан мен 16 шілде аралығындағы кезеңде барлығы 126 828 адам «Спутник V», «QAZVAC» вакциналарының I компонентімен егілді. Вакциналардың II компонентін 69 312 жергілікті тұрғын алды.

Естеріңізге сала кетейік, өңірде халықты вакцинациялау бойынша колл-орталық жұмыс істейді. Емханалардағы вакциналар туралы ақпаратты мына нөмер бойынша алуға болады: 98 – 02 – 92