Өңірде Covid-19 індетінен айығып шыққандар саны 262 адамға жетті, деп хабарлайды Жедел штаб.
Өткен тәулік ішінде Атырау облысында 26 адам қауіпті індеттен айығып шыққан. Жедел штабтың мәліметіне сүйенсек, емделіп шыққандардың 25-і – Теңіз кенішінің қызметкерлері. Ал, жиырма алтыншы адам – Атырау қаласының 52 жастағы тұрғыны.
– Қазіргі уақытта олардың барлығы өздерін жақсы сезінеді, коронавирустың бар-жоғын анықтау үшін жасалған соңғы тест теріс көрсеткіш көрсетті, – дейді штабтағылар.
Осылайша, Атырау облысында коронавирус инфекциясынан сауығып шыққандардың саны 262-ге жетті.
