E2A501C1 816C 4755 A21A C58FDD347EB0
- ЖАҢАЛЫҚТАР114 просмотров

Атырау облысында коронавирус жұқтырған үш науқас жансақтау бөлімінде жатыр

Инфекциялық стационардағы  екі емделуші ауыр жағдайда, олар жасанды желдету аппаратына  қосылған, деп хабарлайды Атырау облысы бойынша төтенше жағдайды қамтамасыз ету жөніндегі жедел штаб.

Денсаулық сақтау басқармасының мәліметіне сәйкес, қазіргі уақытта инфекциялық стационардағы 148 адамның үшеуі жансақтау бөлімінде. Тағы үш науқас ауыр жағдайда, оның екеуіне өкпені жасанды желдету аппараты қосылған.

– 35 емделушіде ауырлық дәрежесі орташа, қалғандарында ауруы жеңіл түрде өтуде.  Төрт науқас инфекциялық стационардан шығуға дайындалуда, – деп түсіндірді штабтағылар.

Айта кетейік, бүгінде  ЖРВИ белгілері бар провизорлық стационарларда 35 адам, карантиндік стационарларда 196 адам бар. Үй карантиніне 1654 адам орналастырылған.